Azərbaycan Fond Bazarı İştirakçılarının Assosiasiyası (AFBİA) qiymətli kağızlar bazarı sahəsində fəaliyyət göstərən peşəkar iştirakçıların ümumi məqsədlər əsasında birləşmiş, üzvlərin tam hüquq bərabərliyi prinsipləri əsasında fəaliyyət göstərən qeyri-hökümət təşkilatıdır.

AFBİA-nın əsas məqsədi qiymətli kağızlar bazarında səmərəli peşəkar fəaliyyət üçün lazımi şəraiti yaratmaq, şəffaflığı və inamı artırmaqdır.

Facemark Azərbaycanda biznesin müxtəlif sahələrini əhatə edən tədbir və forumlar təşkil edən aparıcı platformadır. Şirkət maliyyə, idarəetmə, insan resursları, investisiya, iqtisadiyyat və digər strateji sahələrdə konfranslar, sammitlər və təlimlər keçirir. Facemark biznes mütəxəssisləri, sahibkarlar və ekspertlər üçün bilik və təcrübə mübadiləsi imkanı yaradır, sektoral yenilikləri və trendləri müzakirə etmək üçün peşəkar mühit təqdim edir.

Fəaliyyəti ərzində peşəkarlığı ilə tanınan "Fil Agency" qısa müddət ərzində böyük nailiyyətlər qazanaraq kreativlik, punktuallıq və hər brendə xüsusi yanaşması ilə hər zaman fərqlənməyi bacarır

Marketinq sahəsində 360 dərəcə fəaliyyət göstərən agentliyin xidmətləri aşağıdakılardır:

• Rəqəmsal Marketinq

• Sosial Media Marketinq

• Marketinq Konsultasiyas

• Brendinq və məhsul dizaynı

• Tədbirlərin təşkili və PR xidməti

• SEO xidməti

• Veb sayt və mobil tətbiq

• Video çəkiliş

ASAN İnnovativ İnkişaf Mərkəzi (AİİM), ASAN xidmətinin təcrübəsinə əsaslanaraq hüquqi və fiziki şəxslərin fəaliyyətini təkmilləşdirməyə dəstək verən bir mərkəzdir. AİİM biznes, fərdi inkişaf və informasiya texnologiyaları sahələrində əyani və onlayn təlimlər təşkil edir. Bununla yanaşı, korporativ şirkətlər üçün xüsusi hazırlanmış inkişaf proqramları da təqdim olunur. Mərkəz beynəlxalq əməkdaşlıq çərçivəsində "ASAN International Training" proqramı vasitəsilə inteqrasiya olunmuş xidmətlər və innovasiyalar mövzusunda təlimlər həyata keçirir.

AİİM-in əsas məqsədi müasir biznes və idarəetmə sahəsində innovativ yanaşmaların tətbiqini təşviq etməkdir. Mərkəz həm fərdlərə, həm də təşkilatlara öz fəaliyyətlərini daha effektiv qurmaq və inkişaf etdirmək üçün geniş imkanlar yaradır. Təlimlər müxtəlif peşəkar təcrübəyə malik mütəxəssislər tərəfindən aparılır və praktiki biliklərin artırılmasına yönəldilib. Əlavə məlumat və təlim qeydiyyatı üçün AİİM-in rəsmi veb saytına (aiim.az) daxil olmaq mümkündür.

Markup.az, 2019-cu ildən fəaliyyət göstərən və müştərilərinə unikal və yüksək keyfiyyətli rəqəmsal həllər təqdim edən bir agentlikdir.  Agentliyin əsas məqsədi müştərilərinin rəqəmsal dünyada uğur qazanmasına kömək etməkdir. Markup.az, hər bir layihəyə fərdi yanaşaraq, müasir dizayn prinsiplərinə və ən son texnologiyalara əsaslanan həllər təklif edir. 

Agentliyin xidmətləri arasında veb saytların hazırlanması, UI-UX dizaynı, rəqəmsal marketinq, brendinq və brendbook hazırlanması, sosial media marketinqi (SMM), eləcə də ERP və CRM sistemlərinin hazırlanması daxildir.  Komanda dizaynerlər, proqramçılar və marketinq mütəxəssislərindən ibarət olub, müştərilərinin uğurunu əsas hədəf olaraq görür. 

Markup.az, müxtəlif sektorlardan olan müştərilərinə xüsusi və yenilikçi yanaşmalarla dəyər qatır və onların rəqəmsal arenada ön sıralarda yer almasını təmin edir.

LogiX, müxtəlif ölçülü sənaye müəssisələri üçün innovativ ERP həlləri təqdim edən aparıcı proqram təminatı şirkətidir. Şirkət, müəssisələrin özünəməxsus ehtiyaclarına uyğun ERP sistemləri təqdim edərək, prosesləri sadələşdirmək və optimallaşdırmaq istiqamətində ixtisaslaşmışdır.

LogiX, 30-a yaxın modulu ilə 1000-dən çox müəssisədə minlərlə istifadəçiyə xidmət göstərir. Şirkətin əsas məhsullarından biri olan LogiX Enterprise, təchizat zəncirinin idarə edilməsi, müştəri münasibətlərinin idarə edilməsi, mühasibat uçotu və maliyyə daxil olmaqla, əsas biznes əməliyyatlarını avtomatlaşdırmaq və idarə etmək üçün hazırlanmışdır.

10 ildən artıq reklam sahəsində fəaliyyət göstərən “Brand Media Groups” şirkəti yüzdən artıq yerli və xarici brendlərin xidmətlərinin tanıdılmasına dəstək olaraq reklam yayımını həyata keçirməkdədir. Şirkət davamlı olaraq reklam məkanlarını monitorinq edir və müştərilər üçün daha çox fayda gətirən məkanlar üzrə reklam yerlərini yeniləyir.

“HazırCavab” layihəsi – ÇatBot, CRM sistemləri, Süni İntellekt, satış sistemləri və digər inteqrasiyalar vasitəsilə biznes və marketinq proseslərinizi avtomatlaşdıran servisdir. 
HazirCavab sistemləri şirkətlərin satışlarını və tanınma səviyyəsini, müştəri loyallığını və işlərin effektivliyini artırır 
3 il ərzində onlar ölkənin liderləri ilə əməkdaşlıq ediblər: PASHA Real Estate, Nargis Fund, Volkswagen, 145 Group, Shaurma N1, Gazelli Group, Resant Group və digərlər

Renaissance Advertising Company, 12 ildən artıqdır ki, reklam sahəsində fəaliyyət göstərir. Bu müddət ərzində yüzdən artıq yerli və xarici brendin məhsul və xidmətlərinin irəlilədilməsində dəstək olmuşdur. Şirkət, Bakı və Abşeron ərazisində 200-dən artıq açıq hava reklam məkanları təqdim edir. Bunlara eksklüziv olaraq BakuBus avtobuslarında və "Port Baku Residence"də reklam yayımı daxildir.

Qmeter, müştəri təcrübəsini ölçmək və müştəri rəylərini müxtəlif kanallardan toplayaraq vahid platformada təhlil etmək üçün nəzərdə tutulmuş SaaS (Xidmət kimi Proqram) platformasıdır. 2016-cı ildən fəaliyyət göstərən şirkət, həm Azərbaycan, həm də beynəlxalq bazarda müxtəlif sektorlar üzrə şirkətlərə xidmət göstərir.

Şirkətin tarixi 2012 ci ilin oktyabr ayında "Max Group Plus" reklam agentliyi və "28 mall" ticarət mərkəzinin açılışından başladı. Qeyd olunan alış veriş mərkəzində reklamların yerləşdirilməsi üzrə ekskluziv tərəfdaş olub. Bundan əlavə 2016 cı ildə "Gənclik mall" və 2017 ci ildə "Ganja mall" alış veriş mərkəzlərində reklam yerləşdirmək üçün şirkətə eksluziv hüquq verilib.

Uzun illər şirkətin əsas təklifi alış-veriş mərkəzlərində reklamların yerləşdirilməsi idi. Pandemiya dönəmindən sonra inkişaf prosesində şirkət öz fəaliyyətində artıq "Max Group" kimi davam etdirməyə başladı və bir birinin ardınca öz müştərilərinə marketinq, PR, dizayn və brendinq, çap və istehsal, AVM-lərdə Promo və BTL aksiyaları, tədbirlərin təşkili kimi xidmətləri təqdim etdi.

“New Media” şirkəti 2009-cu ildən etibarən fəaliyyətdə olan ilk ixtisaslaşmış media satış evidir.

Şirkət fəaliyyətinə internet reklamçılıqla başlasa da, hazırda bir çox sahələri əhatə edən xidmətləri ilə reklam operatorluğunun lideridir.

Fəaliyyət göstərdiyi 15+ il ərzində çoxsaylı uğurlara və ilklərə imza atan “New Media” şirkəti hazırda müştərilərə müxtəlif reklam xidmətləri təklif edir və onlara real vaxtlı hesabat forması ilə reklamın effektivliyini vizuallaşdırmağa kömək edir. Bu uğurlara 2000-dən çox rəqəmsal layihə, 200 mindən çox müştəriyə xidmət və daha çoxu daxildir.

Agentliyin xidmətlərindən istifadə etməklə rəqiblərinizdən çevik davranaraq, daha sürətli marketinq aktivliyi həyata keçirə bilərsiniz.

"New Media" şirkəti, rəqəmsal reklam və media sahəsində müştərilərinə yüksək keyfiyyətli xidmətlər təqdim edərək innovativ həllərlə bazarda fərqlənməyə davam edir.

Corpowid, veb saytlar və mobil tətbiqlər üçün rəqəmsal əlçatanlıq həlləri təqdim edən bir platformadır. Onun əsas məqsədi, epilepsiya, disleksiya, görmə məhdudiyyəti və digər sağlamlıq problemləri olan istifadəçilər üçün inklüziv onlayn təcrübə təmin etməkdir. Corpowid-in widgeti, mətn böyütmə, disleksiya dostu şriftlər, rəng kontrastının tənzimlənməsi, oxuma maskaları və 40-dan çox dilə tərcümə kimi funksiyalar təklif edir.

Figensoft 1997-ci ildə qurulmuş və mobil texnologiyalar sahəsində ixtisaslaşmış Türkiyənin aparıcı texnologiya şirkətlərindən biridir. Şirkət müasir mesajlaşma və ödəniş həlləri təqdim edir. Mesajlaşma xidmətlərinə toplu SMS, MMS, e-poçt və ikitərəfli mesajlaşma, ödəniş həllərinə isə QR ödənişləri, virtual POS və soft POS xidmətləri daxildir.

2003-cü ildən "Posta Güvercini" markası ilə fəaliyyət göstərən Figensoft, Microsoft Excel üzərindən SMS göndərmə və App Store-da ilk toplu SMS tətbiqi kimi yeniliklərə imza atıb. Şirkətin Türkiyə, Azərbaycan, Gürcüstan və Şimali Kipr daxil olmaqla 4 ölkədə ofisi var və qlobal GSM operatorları, o cümlədən Telefonica və Airtel ilə əməkdaşlıq edir.

Admedia – reklam və media sahəsində fəaliyyət göstərən şirkətdir. Brendinq, rəqəmsal marketinq, kreativ dizayn, sosial media idarəçiliyi və reklam strategiyalarının hazırlanması kimi xidmətlər göstərir. Müxtəlif sektorlardan olan müştərilər üçün innovativ həllər təklif edərək, onların bazarda tanınmasını və uğurunu artırmağa kömək edir.

"Biznes Adamı" verilişi Araz FM radiosunda yayımlanan biznes mövzusunda ixtisaslaşmış proqramlardan biridir. Bu veriliş iş dünyasının aktual mövzularını əhatə edir və sahibkarlar, investorlar, biznes mütəxəssisləri ilə maraqlı müzakirələr aparılır. Verilişin əsas məqsədi yerli və qlobal biznes tendensiyalarını təhlil etmək, uğurlu sahibkarların təcrübəsini bölüşmək və dinləyicilərə faydalı biznes məsləhətləri təqdim etməkdir.

Verilişdə müxtəlif sahələrdən olan qonaqlar iştirak edir və müasir biznes strategiyaları, investisiya imkanları, startap ekosistemi və bazar trendləri kimi mövzular müzakirə olunur. "Biznes Adamı" iş dünyasında olan şəxslər üçün praktik biliklər təqdim edən, həmçinin yeni ideyaların inkişafına töhfə verən mühüm platformadır.

Operativ Məlumat Mərkəzi 2020-ci il martın 19-dan fəaliyyətə başlayıb. “Breaking Media Group”un tərkibinə daxildir.

Operativ Məlumat Mərkəzi Azərbaycanda və qlobal səviyyədə etibarlı informasiya mənbəyi kimi tanınır. İnformasiyanı operativ, obyektiv və dəqiq təqdim edərək, etibarlılığımızı və nüfuzumuzu daim artırırıq. Sayta gündəlik xəbərlərlə yanaşı, foto və videoreportajlar, məzənnə xəbərləri, və təhlillər yerləşdirilir.

Bizim Yol xəbər portalı Azərbaycandan və dünyadan bütün sahələri əhatə edən xəbərləri öz izləyicilərinə çatdırır. Gündəmin nəbzini tutan xəbər portalında tərəfsiz araşdırma, təhlil, analiz və köşə yazılarını da oxuya bilərsiniz.

1news.az xəbər saytı 2007-ci il martın 12-də fəaliyyətə başlayıb. Sayt iki dildə - rus və Azərbaycan dillərində ən mühüm yerli və qlobal problemlər haqqında məlumatları təqdim edir.

2012-ci ildə yaradılan Marja biznes və maliyyə xəbərləri agentliyi hər gün marja.az domenində ən mühüm iqtisadi xəbərlər və iqtisadiyyata təsir edə biləcək hadisələr barədə məlumatlar yayımlayır. 

“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı xəbərləri geniş auditoriyaya təqdim etməkdir. Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı hadisələr barədə operativ xəbərlər, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.

“Report” İnformasiya Agentliyi 2014-cü ildən fəaliyyətə başlayıb. “Global Media Group” holdinqin tərkibinə daxildir. "Report" müstəqil informasiya agentliyi sayt və gündəlik bülletenlər vasitəsi ilə Azərbaycan, rus və ingilis dillərində siyasət, iqtisadiyyat, cəmiyyət, idman, mədəniyyət sahələri üzrə ölkədə və dünyada baş verən ən vacib hadisələri öz oxucularına operativ şəkildə çatdırır.

Operativ Media 2020-ci ilin 4 sentyabr tarixində fəaliyyətə başlamışdır. Oxucular burada dünyada və ölkəmizdə baş verən ən son hadisələrdən operativ xəbər ala bilərlər.

İqtisadiyyat.az saytı 2019-cü il tarixində, Azərbaycanda ixtisaslaşdırılmış iqtisadi xəbər portalı kimi fəaliyyətə başlayıb. Portal banklar, bank olmayan kredit təşkilatları, sığorta, sosium, avto, marketinq, tender, biznes, əmlak, turizm, İKT, kənd təsərrüfatı, sənaye və nəqliyyat sahələrindəki materialları yayır. İqtisadiyyat.az-ın əhatə dairəsi sosial platforması ilə daha da genişlənib və xəbərlər operativ şəkildə oxuculara çatdırılır.

Ölkəmizdə təchizat zəncirinin inkişafı istiqamətində bilik və təcrübələrin paylaşılması üçün yerli və xarici peşəkar spikerlərin öz təcrübələrini bölüşdüyü “Təchizat Zənciri Liderləri Zirvəsi” dövlət və özəl müəssisələrin ortaq tərəfdaşlığı ilə keçirilməsi nəzərdə tutulub.

Forum ilk dəfə 13 may 2024-cü ildə bir bütöv günü əhatə etməklə 600-dək peşəkar mütəxəssis, dövlət və özəl sektordan olan təchizat rəhbərləri, kiçik, orta və böyük şirkətlərin əsas alıcı və satıcılarının bir yerdə olacağı 15-dən artıq spikerin iştirakı ilə baş tutub.

İnteryer Mebel Forumu Azərbaycanda interyer dizayenerlər və mebel istehsalçıları üçün platforma rolunu oynayır. Ölkəmizdə çalışan memarlar, interyer dizaynerlər, mebel istehsalçıları, ev-dekorasiya məhsullarının satışı ilə məşğul olan sahibkarlar və bu sahədə çalışan xarici şirkətlər İM Forumun əsas iştirakçılarıdır. 

Maliyyə İnvestisiya Forumu – maliyyə və investisiya sahəsində fəaliyyət göstərən mütəxəssisləri, biznes liderlərini və investorları bir araya gətirən əhəmiyyətli tədbirdir. İlk dəfə 2017-ci ildə keçirilən forum, kapital bazarlarının inkişafı, investisiya imkanları və maliyyə strategiyalarının müzakirəsi məqsədilə təşkil olunub. Facemark təşkilatçılığı ilə keçirilən forum, sahənin aparıcı ekspertlərini və şirkət rəhbərlərini bir araya gətirir.

Forumda şirkətlərin kapital bazarına çıxışı, investisiya dünyasında yüksələn dəyərlər, iqtisadi inkişaf tendensiyaları və maliyyə alətlərinin effektiv idarə olunması kimi əsas mövzular müzakirə edilir. Tədbir iştirakçıları bazardakı yeniliklər və trendlər haqqında dəyərli məlumatlar əldə edir, yeni əməkdaşlıq imkanları yaradır və investisiya strategiyalarını formalaşdırırlar.

2017, 2018 və 2022-ci illərdə uğurla keçirilən forum 2025-ci ildə yenidən təşkil olunacaq. Forum, maliyyə və investisiya sahəsindəki peşəkarlar üçün mühüm bir platformadır, iqtisadi perspektivləri müzakirə etmək və bazar iştirakçıları ilə şəbəkələşmək baxımından böyük əhəmiyyət kəsb edir.

Vergi və Mühasibatlıq Zirvəsi mühasibatlıq və vergi sahəsində çalışan peşəkarları bir araya gətirən mühüm platformadır. İlk dəfə 2023-cü ildə keçirilən bu zirvə, maliyyə və vergi qanunvericiliyindəki yenilikləri, sektorda tətbiq olunan innovativ həlləri və mühasibatlıqda şəffaflıq məsələlərini müzakirə etmək məqsədi daşıyır. Facemark və Good Finance təşkilatçılığı ilə baş tutan tədbir, sahənin aparıcı mütəxəssisləri, dövlət qurumları və biznes nümayəndələrinin iştirakı ilə reallaşır.

Zirvə hər il genişlənərək daha çox iştirakçını əhatə edir və burada Peşəkar Mühasib Sertifikatı (PMS), maliyyə risklərinin idarə olunması, rəqəmsal mühasibatlıq və investisiya imkanları kimi vacib mövzular ətrafında panel müzakirələri aparılır. Praktik yanaşmalar və real biznes nümunələri tədbirin əsas üstünlüklərindən biridir.

2023, 2024 və 2025-ci illərdə uğurla təşkil olunan bu tədbir, vergi və mühasibatlıq sahəsində çalışan şəxslər üçün bilik və təcrübə mübadiləsi imkanı yaradır. Zirvə, həmçinin peşəkarların şəbəkələşməsi və sahədəki yeni çağırışlara uyğun strategiyaların formalaşdırılması baxımından əhəmiyyətli rol oynayır.

Azərbaycan Respublikasının Səhiyyə Nazirliyi, “Tibbi Ərazi Bölmələrini İdarəetmə Birliyi” (TƏBİB), İctimai Səhiyyə və İslahatlar Mərkəzi (İSİM)“, “Sağlam Ailə” Tibb Mərkəzi və “Facemark” şirkətinin ortaq təşkilatçılığı, VISA şirkətinin baş sponsorluğu ilə ölkədə ilk dəfə keçirilən Səhiyyə Menecmenti Zirvəsi 16 noyabr tarixində “Baku Marriott Hotel Boulevard”da təşkil olunmuşdur.

Əmək və Əhalinin Sosial Müdafiəsi Nazirliyi və Dövlət Məşğulluq Agentliyinin birgə təşkilatçılığı ilə “İnsan Resursları Sammiti” (İRZBAKI2023) keçirilib. Ölkəmizin İnsan Resurslarının idarə edilməsi sahəsində aparıcı mütəxəssis və peşəkarlar bir araya gələrək bu sahədəki problemləri və inkişaf perspektivlərini dövlət və özəl sektorun prizmasından müzakirə ediblər. Tədbirdə yerli və beynəlxalq məruzəçilərin, eləcə də ölkədə bu sahədə maraqlı olan şəxslərin iştirakı ilə sadalanan istiqamətlər üzrə müzakirələr aparılıb.

Tədbir Ümummilli Lider Heydər Əliyevin 100 illik yubileyinə həsr olunmuş Azərbaycan Sənaye Təhlükəsizliyi Assosiasiyası və Azərbaycan Dövlət Əməyin Mühafizəsi və Təhlükəsizlik Texnikası Elmi Tədqiqat İnstitutunun birgə təşkilatçılığı, BP Azərbaycan şirkətinin baş sponsorluğu və “Facemark” şirkətinin təşkilati dəstəyi ilə ölkəmizdə ilk dəfə keçirilmişdir.

Təhsil Menecmenti Zirvəsi "Roof Academic Training" və "Facemark" şirkətlərinin birgə təşkilatçılığı ilə keçirilmişdir.

Zirvə bütöv bir günü əhatə etməklə 3 fərqli panel və 15-dək spiker və moderatorun iştirakı ilə "Gələcək İndi" şüarı altında öz sahəsinin 300-dən çox rəhbər və qərarverici şəxslərinin iştirakı ilə keçirilmişdir. Təhsil Menecmenti Zirvəsində özəl və dövlət təhsil müəssisələrinin rəhbərləri, icraçı direktorları, akademik rəhbərlər, müxtəlif dövlət qurumlarının rəsmiləri, iş adamları və sahibkarların iştirakı ilə təhsil sahəsindəki son trendlərin, tətbiq olunan yeniliklərin, müasir innovasiyalar və qabaqcıl təcrübələrin müzakirə və fikir mübadilələri əsasında aparılır.

Forum hər il ölkənin təhsil sisteminin cari vəziyyəti, iqtisadiyyata inteqrasiyası, dövlət-özəl tərəfdaşlığının inkişaf perspektivlərinə dair ən vacib məsələlərin müzakirəsi üçün faydalı platforma təmin edir.

Ən son 8 oktyabr 2024-cü ildə baş tutan Təhsilin İnkişafı Forumunun əsas məqsədi dövlət-universitet-sənaye tərəfdaşlığının dayanıqlı və davamlı inkişafı ilə yanaşı birgə dialoq üçün uyğun platforma təmin etmək və prosesi hərtərəfli dəstəkləmək olmuşdur.

Tədbirin əsas məqsədi, Azərbaycan investorlarına Türkiyə və Avropa Birliyi bazarlarında əmlak və digər investisiya imkanlarını necə effektiv istifadə edə biləcəkləri barədə məlumat verməkdir. "Gələcəyə Doğru Yatırım" şüarı altında, bu tədbir vasitəsilə yerli və beynəlxalq sahədə məlumat və təcrübə mübadiləsi həyata keçirilmişdir.

Ölkəmizdə ilk dəfə keçirilən Qadın Liderləri Zirvəsi 2025 4 mart Gülüstan Sarayında baş tutub. Zirvə cəmiyyətimizin inkişafı və gələcəyini formalaşdırmaqda qadınların oynadığı əsas rolun qeyd edilməsi üçün unikal bir fürsət yaradıb. Tədbir “Fərqlərin Bərabərliyi” konsept mesajı ilə 500-ə yaxın mütəxəssisləri, liderləri, fikir öndərlərini və yenilikçilərini bir araya gətirib. Bu bir bütöv günlük tədbir zamanı iştirakçılar fərqli sahələrdən olan qadınların panel mövzuları üzrə çıxışılarını dinləyərək, onların təcrübələrindən öyrənərək və liderlikdə bərabərliyin, həmçinin fərdlərin deyil, fərqlərin bərabərliyinə vurğu ediblər. 

Milli İnsan Resursları Forumunun qarşıya qoyduğu əsas hədəfi insan resursları idarəçiliyi üzrə peşəkar spikerlərin çıxışı və yaradılacaq müzakirə mühiti ilə bu mövzunu gündəmə gətirmək, əsas səbəbləri təhlil edərək həll yolları üzərində fikir mübadiləsi aparmaqdır. 

2015-ci ildən etibarən təşkil olunan MİRF - Milli İnsan Resursları Forumu bu il "İnsana Dəyər" şüarı ilə 31 May 2025-ci il tarixində 10-cu dəfə keçiriləcək.

Ölkəmizin biznes sahəsindəki ən iri həcmli və davamlı, eyni zamanda marketinq sahəsinin ilk forumu olan Milli Marketinq Forumu 2013-cü ildən etibarən keçirilməkdədir. 

Bu il 9 paneldən ibarət olan və 3 gün davam edən 10-cu Milli Marketinq Forumu 300-dən çox şirkətdən 500-dən çox mütəxəssis və rəhbərin iştirakı ilə 9 - 11 May tarixlərində 28 Mall, Cinema Plus-da keçiriləcək. 

Ölkəmizdə ilk dəfə Bakı Su İnnovasiya Forumu (Water İnnovation Forum Baku) 17 may 2022-ci il tarixində Baku Marriott Hotel Boulevard-da keçirilmişdir. Bakı Su İnnovasiya Forumu (Water İnnovation Forum Baku) sudan səmərəli istifadə, bu sahədə optimal həll yolları və mütərəqqi texnologiyalardan istifadə, çirkab (tullantı) suların idarəedilməsi, təkrar emalı və ətraf mühitə təsirləri, suyun keyfiyyətinin idarəedilməsi, ölçü və nəzarət texnologiyaları mövzularına həsr edilmişdir.

30 may 2023-cü il tarixində Baku Marriott Hotel Boulevard-da Xəzər Su İnnovasiya Forumu keçirilmişdir.

Artıq VI dəfə "Facemark" MMC təşkilatçılığı və "Code Academy" baş sponsorluğu ilə keçirilən “Digital Marketing Conference” 11 iyun 2023-cü il tarixində “Four Seasons Hotel Baku”da baş tutdu!

Rəqəmsallaşaraq böyüyən, qloballaşaraq bütünləşən müasir biznes modeli ilə gələcəyin marketoloquna çağırış edən konfransın ana devizi “Rəqəmsal Minimalizm” olmuşdur.